हरिः ओम्

Sloka Text in Telugu , Kannada, Gujarati, Devanagari, English

સુન્દરકાંડ.
અથ ત્રિચત્વારિંશસ્સર્ગઃ

તતઃ સ કિંકરાન્ હત્વા હનુમાધ્યાનમાસ્થિતઃ|
વનં ભગ્નં મયા ચૈત્યપ્રાસાદો ન વિનાશિતઃ||1||

તસ્માત્ પ્રાસાદમપ્યેનં ભીમં વિધ્વંશયામ્યહમ્|
ઇતિ સંચિત્ય મનસા હનુમાન્ દર્શયન્ બલમ્||2||

ચૈત્યપ્રાસાદમાપ્લુત્ય મેરુશૃંગ મિવોન્નતમ્|
આરુરોહ કપિશ્રેષ્ઠો હન્નુમાન્ મારુતાત્મજઃ||3||

આરુહ્ય ગિરિસંકાશં પ્રાસાદં હરિયૂથપઃ|
બભૌ સ સુમહાતેજાઃ પ્રતિસૂર્ય ઇવોદિતઃ||4||

સંપ્રધૃષ્ય ચ દુર્ધરં ચૈત્યપ્રાસાદમુત્તમમ્|
હનુમાન્ પ્રજ્વલન્ લક્ષ્મ્યા પારિયાત્રોપમા ભવેત્||5||

સ ભૂત્વા સુ મહાકાયઃ પ્રભવાન્ મારુતાત્મજઃ|
ધૃષ્ટમાસ્ફોટયામાસ લંકાં શબ્દેન પૂરયન્||6||

તસ્યાસ્ફોટિત શબ્દેન મહતા શ્રોતઘાતિના|
પેતુર્વિહંગમાસ્તત્ર ચૈત્યપાલાશ્ચ મોહિતાઃ||7||

અસ્ત્ર વિજ્જયતાં રામો લક્ષ્મણશ્ચ મહાબલઃ|
રાજા જયતિ સુગ્રીવો રાઘવેણાધિપાલિતઃ||8||

દાસોsહં કોસલેંદ્રસ્ય રામસ્ય ક્લિષ્ટકર્મણઃ|
હનુમાન્ શત્રુસૈન્યાનાં નિહંતા મારુતાત્મજઃ||9||

ન રાવણસહસ્રં મે યુદ્ધે પ્રતિબલં ભવેત્|
શિલાભિસ્તુ પ્રહરતઃ પાદપૈશ્ચ સહસ્રશઃ||10||

અર્થયિત્વા પુરીં લંકાં અભિવાદ્ય ચ મૈથિલીમ્|
સમૃદ્ધાર્થો ગમિષ્યામિ મિષતાં સર્વ રક્ષસામ્||11||

એવમુક્તા વિમાનસ્થઃ ચૈત્યસ્થાન્ હરિયૂથપઃ|
નનાદ ભીમનિર્હ્રાદો રક્ષસાં જનયન્ ભયમ્||12||

તેન શબ્દેન મહતા ચૈત્યપાલાઃ શતં યુયુઃ|
ગૃહીત્વા વિવિધાન્ અસ્ત્રાન્ પ્રાસાન્ખડ્ગાન્પરશ્વથાન્||13||

વિસૃજંતો મહાકાયા મારુતિં પર્યવારયન્|
તે ગદાભિર્વિચિત્રાભિઃ પરિઘૈઃ કાંચનાંગદૈઃ||14||

અજઘ્નુર્વાનરશ્રેષ્ઠં બાણૈશ્ચાદિત્યસન્નિભૈઃ|
આવર્ત ઇવ ગંગાયાઃ તોયસ્ય વિપુલો મહાન્||15||

પરિક્ષિપ્ય હરિશ્રેષ્ઠં સ બભૌ રક્ષસાં ગણઃ|
તતો વાતાત્મજઃ ક્રુદ્ધો ભીમં રૂપં સમાસ્થિતઃ||16||

પ્રાસાદસ્ય મહાન્તસ્ય સ્તંભં હેમપરિષ્કૃતમ્|
ઉત્પાટયિત્વા વેગેન હનુમાન્ પવનાત્મજઃ||17||

તતઃ તં ભ્રામયામાસ શતધારં મહાબલઃ|
તત્ર ચાગ્નિસ્સમભવત્ પ્રાસાદશ્ચાપ્યદહ્યત||18||

દહ્યમાનં તતો દૃષ્ટ્વા પ્રાસાદં હરિયૂથપઃ|
સ રાક્ષસશતં હત્વા વજ્રેણેંદ્ર ઇવાસુરાન્||19||

અંતરિક્ષે સ્થિતઃ શ્રીમાન્ ઇદં વચનમબ્રવીત્|
માદૃશાનાં સહસ્રાણિ વિસૃષ્ટાનિ મહાત્મનામ્||20||

બલિનાં વાનરેંદ્રાણાં સુગ્રીવવશવર્તિનામ્|
અટંતિ વસુધાં કૃત્સ્નાં વયમન્યે ચ વાનરાઃ||21||

દશનાગબલાઃ કેચિત્ કેચિત્ દશગુણોત્તરાઃ|
કેચિન્નાગસહસ્રસ્ય બભૂવુઃ તુલ્યવિક્રમાઃ||22||

સંતિ ચૌઘબલાઃ કેચિત્ કેચિદ્વાયુબલોપમાઃ|
અપ્રમેય બલાશ્ચાન્યે તત્રાસન્ હરિયૂધપાઃ||23||

ઈદૃગ્વિધૈસ્તુ હરિભિર્વૃતો દંતાનખાયુધૈઃ|
શતૈઃ શતસહસ્રૈશ્ચ કોટીભિરયુતૈરપિ||24||

આગમિષ્યતિ સુગ્રીવઃ સર્વેષાં વો નિષૂદનઃ|
નેયમસ્તિ પુરી લંકા ન યૂયં ન ચ રાવણઃ|
યસ્માદિક્ષ્વાકુ નાથેન બદ્ધં વૈરં મહાત્મના||25||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુન્દરકાંડે ત્રિચત્વારિંશસ્સર્ગઃ ||

 

|| Om tat sat ||